ئیدارەی ترەمپ ژمارەی فەرماندە باڵاکانی پێنتاگۆن کەم دەکاتەوە

ئاڤا نیوز

 

بەگوێرەی یاداشتێک کە واژۆی پیت هێگسەس، وەزیری بەرگریی ئەمریکای لەسەرە، فەرماندراوە بە سەرکردایەتیی باڵای پێنتاگۆن، کە ژمارەی ژەنەڕاڵ و ئەو دەریاوانەی خاوەن چوار ئەستێرەن، بەلایەنی کەمەوە بەڕێژەی 20% کەم بکرێنەوە.

 

وێنە گەورەکە: دوای گەڕانەوەی بۆ کۆشکی سپی، دۆناڵد ترەمپ، سەرۆکی ئەمریکا، دەستیکردووە بە کەمکردنەوەی خەرجی و پێکهاتەی حکومەتی فیدراڵی وڵاتەکەی.

 

زانیاریی زیاتر: وەزیریی بەرگری ئەمریکا فەرمانیداوە ژمارەی ئەو کەسانەی پلەی لیوایان لە هێزی پاسەوانی نیشتمانیی ئەمریکا هەیە بە ڕێژەی 20% کەمبکرێتەوە، هاوکات ئەو کەسانەی پلەی ژەنەڕال و ئەفسەرانی باڵان بە ڕێژەی 10% کەمدەکرێتەوە کە ئێستا ژمارەیان دەگاتە 900 کەس.

 

ئەوەی پێویستە بیزانیت: لە یاداشتەکەیدا، هێگسەس نووسیویەتی، کەمکردنەوەی پۆستە باڵاکان هەنگاوێکی گرنگە بەرەو لابردنی پێکهاتەی هێزی زیادە و لە ڕێگەی ئەو ڕێوشوێنانەوە پێگەی خۆمان وەک بەهێزترین هێزی شەڕکەری جیهان دەپارێزین، لە ڕێگەی هێزەوە ئاشتی بونیاد دەنێین، هەروەها کاریگەری زیاتر و داهێنان و ئامادەیی زیاتر بۆ ئاستەنگەکانی داهاتوو مسۆگەر دەکەین.

 

ئەمەش بزانە: بەپێی ئامارەکانی پێنتاگۆن، تا ساڵی 2023، 37 ژەنەڕاڵ و دەریاوانی چوار ئەستێرە لە هێزی سەربازیی ئەمریکادا هەبوون.