ئاژانسی ڕۆیتەرز: واشنتن کۆچبەرە نایاساییەکان بۆ لیبیا دەگوازێتەوە

ئاڤا نیوز

بەرپرسێکی ئیدارەی ئەمریکا ڕایگەیاند، ئەمریکا چەند هەفتەیەکە بریاری داوە کۆچبەرە نایاسییەکانی بەرەو لیبیا بگوازێتەوە.

وێنە گەورەکە: لە دوای دەستبەکاربوونی دۆناڵد ترەمپ، سەرۆکی ئەمریکا بریاری دا سیاسەتی وڵاتەکەی بەرامبەر بە کۆچبەران بگۆڕێت و سەرجەم کۆچبەرە نایاساییەکان دیپۆرت بکاتەوە و بۆ ئەم مەبەستەش لیبیای هەڵبژاردووە بۆ ناردنی کۆچبەرەکان.

زانیاریی بەدەستهاتوو: ئاژانسی ڕۆیتەرز لە زاری بەرپرسێکی باڵای ئەمریکا بڵاویکردەوە، لەوانەیە سوپای ئەمریکا لەم هەفتەیەدا بۆ یەکەمجار کۆچبەران بە فڕۆکە بۆ لیبیا بگوازێتەوە دەکرێت ئەم پلانانەش گۆڕانکاری بەسەردا بێت.

لەلایەکی دیکەوە: پیشتر مارکۆ ڕوبیۆ، وەزیری دەرەوەی ئەمریکا ڕایگەیاندبوو، ئەمریکا بەدوای وڵاتێکی دیکەدا دەگەڕێت، وەک سەلڤادۆر و لیبیا بۆ ئەوەی کۆچبەرانی نایاسایی بۆ بگوازێتەوە.