ناوی زیاتر لە 23 هەزار کەس بۆ وەرگرتنی زەوی ڕەوانەی ئەنجوومەنی وەزیران دەکرێت

ئاڤا نیوز

پرۆسەی دابەشکردنی زەوی بەردەوامە، لەم چوارچێوەیەشدا ناوی زیاتر لە 23 هەزار کەس بۆ پەسەندکردنیان ڕەوانەی ئەنجوومەنی وەزیران دەکرێت.

وێنە گەورەكە: لە مانگی ئاداری ساڵی ڕابردوو، بڕیار درا بە دابەشكردنی زەوی بۆ ئەو فەرمانبەر و خانەنشینانەی لەوەرگرتنی زەوی سوودمەند نەبوون، هەر فەرمانبەرێك بەپێی سیستمی خاڵبەندی زەوی پێدەدرێت و ساڵانی خزمەت لەبەرچاو دەگیرێت، هەروەها باری خێزان و ژمارەی منداڵ، شوێنی نیشتەجێبوون لەبەرچاو دەگیرێن.

لێدوانی فەرمی: سەربەست مەولوود، سەرپەرشتیاری تیمی وردبینیكردنی پێدانی زەوی بە فەرمانبەران لە وەزارەتی شارەوانی بە ئاڤای ڕاگەیاند: ئەمڕۆ ناوی زیاتر لە 23 هەزار خانەنشین و فەرمانبەرمان بۆ پەسەندکردن ڕەوانەی ئەنجوومەنی وەزیران کراون، سێ لەسەر یەکیان لە خانەنشینانن و ئەوانی دیکەش فەرمانبەرن.

ئەوەی پێویستە بیزانیت: دوای پەسەندکردنی ئەو ناوانە لەلایەن ئەنجوومەنی وەزیرانەوە، دەگەڕێنەوە بۆ وەزارەتی شارەوانی و لەوێشەوە دەدرێتەوە شارەوانییەکان.