لە هەڵەبجە سیستمی ئەلیکترۆنی بۆ دابەشکردنی بەشە خۆراک چالاک دەکرێت

ئاڤا نیوز

 

بۆ یەکەمجار لە هەرێمی کوردستان سیستمی ئەلیکترۆنی بۆ دابەشکردنی بەشەخۆراک لە پارێزگای هەڵەبجە جێبەجێ دەکرێت، هاووڵاتیان بریکارەکانی دابەشکردنی خۆراک لە ڕێگەی ئەپلیکەیشنێکەوە بەیەکەوە دەبەسترێنەوە. 

 

چیرۆکی سەرەکی: ئەم هەنگاوە بەشێکە لە پلانی وەزارەتی بازرگانی عێراق بەمەبەستی ڕێکخستنەوەی دابەشكردنی بەشەخۆراکی مانگانەی هاووڵاتییان، چاوەڕوان دەکرێت ئەم سیستمە لە تەواوی هەرێمی کوردستان جێبەجێ بکرێت.

 

زانیاریی زیاتر: سیستمە نوێیەکە هاووڵاتیان و بریکارەکانی خۆراک لە ئەپلیکەیشنێک بەیەکەوە دەبەسترێنەوە، دواتریش بە بەڕێوەبەرایەتیی بازرگانی شارەکان، خانەوادەکانیش دەبێت هەر لەناو ئەو ئەپڵیکەیشنە بە کارتی نیشتمانی خۆیان تۆمار بکەن. 

 

ئەوەی پێویستە  بیزانیت: لە سنووری پارێزگای هەڵەبجە 204 بریکاری خۆراک و 49 بریکاری دابەشکردنی ئارد هەیە.