دەم پارتی: بەگرنگییەوە چاوەڕوانی بڕیار و ئەنجامەكانی كۆنگرەی پەكەكەین

ئاڤا نیوز

وتەبێژی دەم پارتی ڕایدەگەیەنێت، سری سورەیا ئۆندەر، بە كردەیی نیشانی هەمووانی دا كە ئاشتی ئەگەرێكی مەحاڵ نییە، بەڵكو دەكرێت بەدیبێت. لەبارەی بەستنی كۆنگرەی پەكەكەش وتی، پەرۆشی ئەنجام و ناوەڕۆكی كۆنگرەكەین.

 

چیرۆكی سەرەكی: وتەبێژی دەم پارتی، ئایشەگول دۆغان، لە میانی کۆنگرەیەکی ڕۆژنامەوانییدا کە لە ناوەندی گشتیی دەم پارتیدا سازیکرد، هەڵسەنگاندنی بۆ بابەتەکانی ڕۆژەڤ کرد، پەیوەست بە لێكۆڵینەوە لە دەنگۆی هەوڵی كوشتنی پەرلەمانتاری كۆچكردووی دەم پارتی، سری سورەیا ئۆندەر لەلایەك و، بەستنی كۆنگرەی پەكەكە و چەكدانان و خۆهەڵوەشاندنەوەی پارتەكە لەلایەكی دیكەوە.

 

 لێدوانی فەرمی: ئایشەگوڵ لە لێدوانە ڕۆژنامەوانییەكەدا ڕایگەیاند، ئۆندەر نیشانی ئێمەی دا کە ئاشتیی توركیا، ئەگەرێکی مەحاڵ نییە، بەڵکو دەکرێت بەدیبێت و ئەگەر بمانەوێت دەتوانین فەراهەمی بکەین.

سەبارەت بەو بانگەشانەی گوایە 'ئامێری تیرۆرکردن لە ئۆتۆمبێلەکەی سری سورەیا ئۆندەر دانراوە' دۆغان ڕایگەیاند: "پاسەوانی كۆمەڵگەی نیشتەجێبوون لە ئەنقەرە تیایدا، بەهۆی بیستنی دەنگ لە کاتی پارککردنی ئۆتۆمبێلەکەی سری سورەیا ئۆندەر، تایەی ئۆتۆمبێلەکەی پشکنیوە و، بۆی دەرکەوتووە کە تەنێکی تیژ دانراوە. باس لە ماددەیەکی کانزاییش دەکرێت. ئەم تەنە ئەوەندە تیژە کە تایەی ئۆتۆمبێلەکە بدڕێت و بیتەقێنێت. دوای ئەو ڕووداوە ئۆندەر هەر خۆی دەزگا ئەمنییەكانی ئاگاداركردووەتەوە، دەستكرا بە لێكۆڵینەوە و گرتنەبەری ڕێكاری یاسایی، بەڵام تا ئێستا دەرئەنجامەكانی لێكۆڵینەوە و ڕێكارە یاساییەكان لەم ڕووداوە ڕانەگەیێنراوە. 

زانیاریی زیاتر: دۆغان باسی لەوەشکرد کە ئۆندەر نەیویست ڕووداوەکە بۆ ڕای گشتیی باس بکات بۆ ئەوەی بابەتەكە بەلاڕێدا نەبردرێت.

هەڵوێستی دەم پارتی لەبارەی كۆنگرەی پەكەكە:

لە وەڵامی پرسیارێکدا سەبارەت بە خۆهەڵوەشاندنەوەی پەكەكە، وتەبێژی دەم پارتی ڕایگەیاند، ئاگادارین كە پەكەكە كۆنگرەی بەستووە، بە گرنگی و جدییەتی زۆرەوە، چاوەڕوانی بڕیار و ئەنجامەكانی كۆنگرەكەین، ئێمە وەك دەم پارتی ئامادەین بۆ توركیایێكی دیموكرات، کە تیایدا هەموومان پێکەوە لە ئاشتییەکی یەکسان، دادپەروەر و هەمیشەییدا هەناسەبدەین و دیدگامان بۆ کۆمەڵگایەکی دیموکراسیی بەدی بهێنین.