کارەکانی سێیەمین پێشانگای مێتێکسی 2025 بۆ گەشت و گوزار کۆتایی هات

ئاڤا نیوز

سێیەمین پێشانگای مێتێکسی 2025 بۆ گەشت و گوزار لەهەولێر کۆتایی هات، و دەیان گرێبەستیش لەنێوان کۆمپانیا نێوخۆی و جیهانییەکان بۆ بەرەوپێشبردنی کەرتی گەشت و گوزار لە هەرێمی کوردستان و ووڵاتە بەشداربووەکان واژۆکران.

چیرۆکی سەرەکی: لە پێشانگای مێتێکس 150 کۆمپانیا لە 20 ووڵاتی جیاوازدا بەشداریان کرد، و لەنێوانیشیاندا 114ڕێکەوتن و یاداشتنامەی لێکتێگەیشتن واژۆ کران، لەپێناو بەرەوپێشبردنی کەرتی گەشتیاری لە هەرێمی کوردستان، و ووڵاتە بەشداربووەکان.

لێدوانی فەرمی: ئیبراهیم عەبدولمەجید، وتەبێژی دەستەی گەشت و گوزار بە ئاڤا میدیای ڕاگەیاند: کاریگەری ئەرێنی ئەم جۆرە پێشانگایانە دوور مەودایە و لەداهاتوودا کەرتی گەشتیاری لە قۆناغێکەوە بەرەو قۆناغێکی پێشکەوتووتر دەبات.

ژمارەکان وا دەڵێن: لە ماوەی سێ ڕۆژی پێشانگای مێتێکس نزیکەی 43 هەزار و 351 سەردانیکار سەردانی پێشانگاکەیان کردووە، و لەنزیکەوە ئاشنای کۆمپانیا گەشتیارییەکان بوونە.