فێستیڤاڵی فیلمی کوردی ئەمستەردام دەستی بەکارەکان کرد

ئاڤا نیوز

فێستیڤاڵی فیلمی کوردی ئەمستەردام وەک نەریتێکی ساڵانەی خۆی ئەمساڵیش دەستی بە کار و چالاکییەکانی کرد.

ڕاگەیێنراوی فەرمی: ڕێکخەرانی فێستیڤاڵەکە ڕایانگەیاندووە، ئەمساڵ فێستیڤاڵەکە گرنگی بەو چیرۆکانە دەدات کە فرەچەشنی کولتووری کوردی نیشان دەدەن. هەر لە فێستیڤاڵەکەدا جگە لە نمایشکردنی فیلمەکان، میوزیک و گۆرانی کوردی بەشێکی گرنگی فێستیڤاڵەکە دەبن.

ئەوەی پێویستە بیزانیت: فێستیڤاڵی فیلمی کوردی ئەمستەردام 9ی مانگ دەستیپێکردووە و ئەمڕۆ دووەم ڕۆژی فێستیڤاڵەکەیە و ئێوارەی ڕۆژی 11ی مانگ واتە سبەینێ بە مەراسیمێکی تایبەت کۆتایی بە چالاکییەکانی فێستیڤاڵەکە دێت.