ئاگر لە باڵەخانەیەکی هەولێر کەوتووەتەوە و چەند کەسێک گەیێنراونەتە نەخۆشخانە

ئاڤا نیوز

باڵەخانەی کاڤاڵی تاوەر کە دەکەوێتە شەقامی 40 مەتری لە دیوی ژوورەوە گڕی گرتووە، تیمەکانی بەرگری شارستانی سەرقاڵی کۆنتڕۆلکردنین و بەگوتەی شایەتحاڵێک چەند کەسێک بە سووکی سووتاون.

چیرۆکی سەرەکی: نزیکەی کاتژمێرێک پێش ئێستا نهۆمی 28ـی باڵەخانەی کاڤاڵی تاوەر گڕی گرت کە باڵەخانەیەکی تەواو نەکراوە و کارەکانی ماون، تیمەکانی بەرگری شارستانی چوونەتە ژوورەوە و دۆکەڵێکی زۆر هەیە لە بەشی ژوورەوە.

لێدوانی فەرمی: شاخەوان سەعید، گوتەبێژی بەرگری شارستانی هەولێر بە ئاڤای گوت، "تیمەکانی شارستانی لە شوێنی ڕووداوەکەن و  ئاگرەکە کۆنتڕۆل کراوە، تاوەکو ئێستا هۆکاری ئاگرەکە و زیانەکان نەزانراون."

زانیاریی زیاتر: چەند شایەتحاڵێک لە شوێنی ڕووداوەکە بە عوبەید بەشار، پەیامنێری ئاڤایان گوت، چەند کرێکارێک بە لایتی مۆبایل داوای هاوکارییان دەکرد لە نێو باڵەخانەکە، هەندێکیان سووتاون و بە ئەمبوڵانس گوازراونەتەوە بۆ نەخۆشخانە.