کارکردن لە بەشی یەکەمی جووتسایدی هەولێر – کۆیە نزیکە لە تەواوبوون

ئاڤا نیوز

 

کارکردن لە جووتسایدی هەولێر – کۆیە قۆناغێکی دیکە دەبڕێت، بەهۆی ئەوەی چەند بەشێکی ناوچەکە زورگە و سەختە بۆیە قۆناغ بە قۆناغ جێبەجێ دەکرێت.

 

وێنە گەورەکە: كاركردن لە ڕێگاکە گەیشتووەتە دێگەڵە و بە درێژایی 20 كیلۆمەتر لە جێبەجێکردندایە، هەرچەندە كاری زۆری دەوێت، بەڵام بڕین و پڕكردنەوەی بەرزی و نزمییەكانی ناوچەكە زۆر بە خێرایی كاری لەسەر دەكرێت.

 

لێدوانی فەرمی: خەتاب قادر، بەڕێوەبەری ڕێگاوبانی هەولێر بە ئاڤا میدیای ڕاگەیاند، "شەش کیلۆمەتری یەکەم خۆڵکاری کراوە ئامێرەکان لە بەشی دووەم کاردەکەن، بەهۆی ئەوەی چەند بەشێکی ناوچەکە زورگە و سەختە بۆیە قۆناغ بە قۆناغ جێبەجێ دەکرێت."

 

باکگراوند: پڕۆژەی دووسایدی هەولێر کۆیە مانگی نۆی ساڵی ڕابردوو، دوای چەندین ساڵ لە وەستانی، جارێکی دیکە لەلایەن سەرۆکوەزیران مەسرور بارزانی بەردی بناغەی دانرایەوە و بڕی 435 ملیار دیناری بۆ تەرخان کرا، بە تەواوبوونی ماوەی نێوان ئەو دوو شارە لە کاتژمێرێکەوە بۆ كەمتر لە نیو کاتژمێر كەم دەبێتەوە.