ئێران داوای هەڵگرتنی سزاکانی سەر وڵاتەکەی لە ئەمریکا دەکات

ئاڤا نیوز

 

ئێران ئاشکرایکرد، لەم خولەی دانوستانەکانیان لەگەڵ ئەمریکا داوای هەڵگرتنی سزاکانی سەر وڵاتەکەی و پێدانی مافی بەرنامە ئەتۆمییەکەی دەکات.

وێنە گەورەکە: ڕۆژی یەکشەمە 11-05-2025، چوارەم گەڕی دانوستانە ناڕاستەوخۆکانی نێوان ئەمریکا و ئێران لە مەسقەتی پایتەختی عومان بەڕێودەچێت، هەردوولا هیواخوازن بگەنە ڕێککەوتنێکی چارەنووسساز و یەکلاکەرەوە.

 

ڕاگەیێنراوی فەرمی: پێش دەستپێکردنی دانوستانەکان  وەزارەتی دەرەوەی ئێران ڕایگەیاند: لەمیانی دانوستانە ناڕاستەوخۆکانی لەگەڵ ئەمریکا داوای هه ڵگرتنی سزا سەپێنراوەکانی ئێران و مافی تاران لە بەکارهێنانی وزەی ئەتۆمی بۆ مەبەستی ئاشتیانە دووپاتدەکەینەوە.

 

لەلایەکی دیکەوە: عەباس عێراقچی، وەزیری دەرەوەی ئێران ڕایگەیاند: هیوادارم لە چوارەم گەڕی دانوستانەکانمان لەگەڵ ئەمریکا بگەینە خاڵی چارەنووسساز و دەرئەنجامێكی گشتگیر.