لە فێستیڤاڵی گوڵ و باخچەی هەولێر؛ دار زەیتونێکی تەمەن 200 ساڵە نمایش دەکرێت

ئاڤا نیوز

 

بڕیارە کۆتایی ئەم هەفتەیە بەڕێوەبەرایەتیی ئەندازەی پارکەکان گەورەترین فێستیڤاڵی گوڵ و باخچە لەبەردەم پارکی شاندەر لە هەولێر بەڕێوە ببات. لە فێستیڤاڵەکە دار زەیتونێکی تەمەن 200 ساڵە نمایش دەکرێت کە لە ئیتاڵیاوە هێنراوە.

 

وێنە گەورەکە: چوارەم ساڵە بەڕێوەبەرایەتیی ئەندازەی پارکەکان فێستیڤاڵی گوڵ و باخچە بەڕێوە دەبات، وەک خۆیان دەڵێن ئامانجەکە ئەوەیە، هۆشیاری ژینگەیی و ڕێژەی سەوزایش زیاد بکرێت.

 

لێدوانی فەرمی: سەروەر وەیسی، بەرپرسی ڕاگەیاندنی ئەندازەی پارکەکان بە ئاڤای وت، ئەمساڵ 30 کۆمپانیا و نەمامگەی نمونەیی و فەرمانگەی حکومی بەشداری فێستیڤاڵەکەن، چەندین جۆر داری دەگمەن و بەهادار نمایش دەکرێن، لەگەڵ ئەوەشدا باڵندەی دەگمەن دەهێنرێتە فیستیڤاڵەکە.

 

- سەروەر وەیسی ئەوەشی وت، هەموو ئەو جۆرە گوڵانەی لە کوردستان هەن لە فێستیڤاڵەکە نمایش دەکرێن، گوڵی تیایە نرخی 500 دینارە، جۆری داری دەگمەنیش هەیە کۆمپانیاکان لە دەرەوە هێناویانە نرخەکەی تا 10 دەفتەر دۆلار دەبێت.

 

ئەوەی پێویستە بیزانیت: فێستیڤاڵی گوڵ و باخچە ڕۆژی 15-5 بۆ ماوەی سێ ڕۆژ تا 17-5 لەبەردەم پارکی شانەدەر لە هەولێر بەردەوام دەبێت.