بۆ یەکەمین جار بەغدا میوانداریی دوو لووتکەی گرنگ دەکات

ئاڤا نیوز

 

یاریدەدەری ئەمینداریی کۆمکاری وڵاتانی عەرەبی ڕایگەیاند، 17ی ئایار لەپاڵ لووتکەی عەرەبی، لووتکەی گەشەپێدانی ئابووریی و کۆمەڵایەتییش لە بەغدا ساز دەکرێت، ئەمەش یەکەمین جارە هەردوو لووتکەکە لە یەک ڕۆژ و لە یەک کاتدا بەڕێوەبچن.

 

وێنە گەورەکە: ڕۆژی 17ـی ئەم مانگە کارەکانی لووتکەی عەرەبی لە بەغدا دەستپێدەکات، بۆ لووتکەکە و پادشا و سەرۆکی هەر 22 دەوڵەتەکەی ئەندام لە کۆمکاری عەرەبی بانگهێشتکراون، لە هەمان کات و ڕۆژیشدا لووتکەی گەشەپێدانی ئابووریی و کۆمەڵایەتی لە بەغدا بەڕێوەدەچێت.

 

لێدوانی فەرمی: هەیفا ئەبوغەزالە، یاریدەدەری ئەمینداری کۆمکاری عەرەبی ڕایگەیاند، "یەکەمجارە لووتکەی عەرەبی و لووتکەی گەشەپێدانی ئابووریی و کۆمەڵایەتی لە یەک ڕۆژدا ئەنجام دەدرێن، میوانداریکردنی بەغداش لە هەردوو لووتکەکە مانای وایە عێراق لەمەودوا دەتوانێت چالاکییە هەرێمیی و نێودەوڵەتییەکان لەخۆبگرێت.

 

- ئاماژەی بەوەشکرد، لە کۆبوونەوەکانی ئەمڕۆدا ئەو بڕگە و بابەتانە گفتوگۆی لەسەر دەکرێت کە لەلایەن وڵاتانی عەرەبی، کۆمکاری عەرەبی و ڕێکخراوەکانەوە پێشکەش کراون، تاوەکو لە لووتکەی گەشەپێدانی ئابووریی و کۆمەڵایەتی تاوتوێ بکرێن یان بڕیاری پێویستییان لەبارەوە بدرێت.

- هاوکات هەڵسەنگاندنیش بۆ نێوانی دوو لوتکەکە دەکرێت، کە دواهەمین لووتکە

ی گەشەپێدان شەش ساڵ لەمەوبەر لە لوبنان بەڕێوەچووە.