فایلی خەڵک؛ ماوەی 10 ساڵە ئاوەڕۆی گەڕەکێکی دیانا تێکچووە

ئاڤا نیوز

 

ماوەی 10 ساڵە ئاوەڕۆی گەڕەکێکی شارۆچکەی دیانا تێكچووە و بەهۆیەوە دانیشتوانی ئەو ناوچەیە تووشی گرفت و ئاستەنگی زۆر بوونەتەوە، هەر بۆیە داوایان لە ئاڤا کردووە دەنگیان بگەیەنێت. 

 

چیرۆکی سەرەکی: گەڕەکی زۆزکی دیانا پێکهاتووە لە 150 ماڵ، بەهۆی ئەوەی ئاوەڕۆی گەڕەکەکە تێكچووە، چەندین جار مرۆڤ، ئاژەڵ، تەنانەت ئۆتۆمبێلێشی کەوتووەتە ناو و ئەمەش ناڕەزایەتی لای دانیشتوانی ئەو ناوچەیەی بەدوای خۆیدا هێناوە. 

زانیاریی پەیامنێر: هاوار عەباس، پەیامنێری ئاڤا ڕایگەیاند، ئەو گەڕەکە ماوەی 10 ساڵە ئەو گرفتەیان هەیە، ئەمەش بۆنێکی ناخۆش هەیە کە بووەتە سەرچاوەی بڵاوبوونەوەی چەندین مێرووی زیانبەخش. 

لێدوانی فەرمی: فەرزەنگ ئەحمەد، بەڕێوەبەری ناحیەی دیانا لەوبارەیەوە دەڵێت، دەرخستەمان کردووە بۆ نۆژەنکردنەوە و چاککردنەوەی ئەو ئاوەڕۆیە، ڕەزامەندیمان وەرگیراوە و چاوەڕوانین بوودجەی بۆ تەرخان بکرێت. 

-    شارەوانی ڕاسپێدراوە سبەی ئەو ئاوەڕۆیە خاوێن بکەنەوە.