حیزبێكی نوێی ئیسلامی لە سلێمانی كۆنگرە دەبەستێت

ئاڤا نیوز

 

سبەی حیزبێكی نوێیی ئیسلامی لە سلێمانی یەکەم كۆنگرەی خۆی دەبەستێت و ناوی كاندیدەكانیشی بۆ هەڵبژاردنی پەرلەمانی كوردستان دیاری دەكات.

 

وێنە گەورەكە: بزووتنەوەی پەیوەندییە ئیسلامییەكانی كوردستان بۆ بەشداریكردن لە هەڵبژاردنەكانی پەرلەمانی كوردستان یەكەمین كۆنگرەی خۆی دەبەستێت و 36 كاندیدی بۆ هەڵبژاردنەكانی پەرلەمانی كوردستان دەبێت و 1200 كەسیش لە كۆنگرەكەدا بەشداری دەكات.

 

لێدوانی فەرمی: محەممەد بازیانی، كە ئێستا گوتەبێژی بزوتنەوەی پەیوەندی ئیسلامییە تایبەت بە ئاڤا میدیا گوتی: “لە كۆمسیۆنی باڵای سەربەخۆی هەڵبژاردنەكانی عێراق مۆڵەتی فەرمیان وەرگرتووە و سبەی لە سلێمانی هەموو شتێك یەكلایی دەبێتەوە”.

 

ئەوەی پێویستە بیزانیت: بەشێک لە ئەندامانی ئەم حیزبە پێشتر لەناو بزووتنەوەی ئیسلامیی كوردستان كاریان كردووە، بەپێی گوتەی بازیانی “چەندین كەسایەتیی گرنگیان لەسەر ئاستی عێراق و هەرێمی كوردستان لەگەڵە و لە هەورامانەوە تاوەکو بادینان بەشداری لە كۆنگرەكەدا دەکەن.