پاکستان ئاماری قوربانیانی شەڕەکەی لەگەڵ هیندستان ئاشكرا دەکات

ئاڤا نیوز

 

دوای تێپەڕبوونی چەند ڕۆژێک بەسەر ڕاگەیاندنی ئاگربەستی نێوان هیندستان و پاکستان، سوپای پاکستان ئاماری نوێی قوربانییانی شەڕی هەفتەی رابردووی ئاشکراکرد.

وێنە گەورەکە: دوای چەند ڕۆژێک لە شەڕ و ڕووبەڕبوونەوەی نێوان پاکستان و هیندستان، بە بەکارهێنانی فڕۆکەی جەنگی و چەکی قورس، ئاگربەستی نێوان هەردوو وڵات بە نێوەندگیری 30 وڵات ڕاگەیێنرا و پاکستان دوایین ئاماری قوربانییای ئەو شەڕەی بڵاوکردەوە.

ڕاگەیێنراوی فەرمی: ئەمڕۆ سێشەممە 13-5-2025، سوپای پاکستان لە ڕاگەیێنراوێکدا ئاشکرایکرد، بەهۆی هێرشەکانی هیندستان 40 هاوڵاتیی سڤیل کوژراون کە حەوتیان ئافرەتن و 15ـەیان منداڵن، هاوکات 11 سەرباز کوژاون و 78 سەربازی دیکەش برینداربوون.

- لە ڕاگەیێنراوکەی سوپادا هاتووە، هەر ئاڵنگارییەک و هیرشێک بۆ سەر سەروەری و سەقامگیریی پاکستان، جارێکی دیکە وەڵامی زۆر قورسی دەبێت.

لەلایەکی دیکەوە: هەر بەهۆی گرژییەکانی نێوان پاکستان و هیندستان، پێشتر هیندستان ئاشکرایکرد کە 15 هاوڵاتیی سڤیل و پێنج سەربازی وڵاتەکەی کوژراون.