بێگەرد تاڵەبانی: ئەمساڵ 300 هەزار تۆن گەنم کەمتر لە جووتیارانی کورد وەردەگیرێت

ئاڤا نیوز

 

بێگەرد تاڵەبانی، وەزیری کشتوکاڵ و سەرچاوەکانی هەرێمی کوردستان دەڵێت، هەوڵەکان بۆ وەرگرتنی برێکی زیاتری گەنمی جووتیاران بەردەوامە.

 

وێنە گەورەکە: لە ڕێککەوتی 25-5-2025 تا 1-6-2025 دەست بە وەرگرتنی گەنمی جووتیارانی هەرێمی کوردستان دەکرێت.

 

لێدوانی فەرمی: بێگەرد تاڵەبانی، وەزیری کشتوکاڵ و سەرچاوەکانی ئاو لە کۆنگرەیەکی ڕۆژنامەوانیدا ڕایگەیاند: لەگەڵ وەزارەتەکانی بازرگانی و کشتوکاڵی عێراق و کوردستان ڕێککەوتووین بەوەی ئەمساڵ 400 هەزار تۆن گەنم لە جووتیاران وەربگیرێت. 

 

بە گوتەی بێگەرد تاڵەبانی، هەوڵەکان بۆ وەرگرتنی برێکی زیاتری گەنمی جووتیاران بەردەوامە، هەروەها بەراورد بە ساڵی ڕابردوو عێراق بڕی 300 هەزار تۆن گەنم کەمتر لە جووتیاران وەردەگرێت.

 

ژمارەکان وا دەڵێن: لە ساڵی 2023 عێراق بڕی 500 هەزار تۆن گەنم و ساڵی 2024 بڕی 700 هەزار تۆن گەنمی لە جووتیارانی هەرێمی کوردستان وەرگرتووە.