شەپۆلی خۆڵبارین دوو ڕۆژی دیکە دەخایەنێت

ئاڤا نیوز

 

شەپۆلێكی خۆڵبارین، هەرێمی كوردستانی گرتووەتەوە و لە سبەیەوە كاریگەرییەكەی لاواز دەبێت و دووسبەی ئەگەری باران و بەفر هەیە.

 

لێدوانی فەرمی: شێخ دارا، پێشكەشكاری كەشوهەوای ئاڤا میدیا ڕایگەیاند: خۆڵبارین سێ جۆری هەیە ئەمەی ئێستا كە لە هەرێمی كوردستان هەیە جۆری سێیەمیەتی و چڕترین جۆرە و پێی دەگوترێت خۆڵبارین بە هۆی باوە كە لە دێرەزوورەوە هەڵی كردووە و هەرێمی كوردستانی گرتووەتەوە.

 

بە گوتەی شێخ دارا، "ئەم شەپۆڵی خۆڵبارینە دوو ڕۆژ دەخایێنێت بەڵام لە سبەیەوە كاریگەرییەكەی لاوازتر دەبێت،  ئەمەش بەهۆی ئەوەی كە لە چەند ناوچەیەك بەتایبەت پارێزگاكانی هەولێر و دهۆك باران دەبارێت".

 

لەبارەی بارینی بەفر و باران، شێخ دارا گوتی، دووسبەی لەگەڵ بارینی باران، ئەگەری بەفربارینیش هەیە لە ناوچە شاخاوییە بەرزەكان بەتایبەت چیاكانی گارە، حەسەنبەگ، شیرین.

 

ئەوەی پێویستە بیزانیت: هەرچی پەیوەستە بە پلەکانی گەرماوە، تاوەكوو كۆتایی مانگ پلەكانی گەرما لە سەرتاسەری هەرێمی كوردستان لەژێر 30 دەبێت و گەرما نایێت.