لە هەولێر بەهۆی تیژڕۆییەوە شۆفێری چەند پاسێک سزا دەدرێن

ئاڤا نیوز

 

ژمارەیەک لە شۆفێرانی دەرەوەی شاری هەولێر کە لە ڕێگاکانی دەرەوە هاتووچۆ دەکەن ملیۆنان دینار سزای تیژڕۆییان بۆ هاتۆتەوە، ئاڤا بەدواداچوون بۆ خێرایی ڕێگەپێدراوی پاسەکان لەو شەقامانە دەکات. 

 

چیرۆکی سەرەکی: شۆفێری چەند پاسێک پەیوەندییان بە ئاڤا میدیاوە کردووە و دەڵێن: لەڕێگەکانی دەرەوەی شاری هەولێر، وەک شەقامی 120 مەتری، 150 مەتری، ڕێگەی نێوان هەولێر –  دهۆک، لە ماوەی چەند کاتژمێریکی کەمدا بە ملیۆنان دیناری سزای سەرپێچی خێرایی و ڕۆیشتن لەسەر هێڵی قەدەغەکراویان لەسەر تۆمار کراوە.

 

لێدوانی فەرمی: هێمن حەمەدەمین، وتەبێژی هاتووچۆی هەولێر بە ئاڤای ڕاگەیاند: هەموو ئەو ئۆتۆمبێلانەی بارهەڵگرن یان پاس و کۆستەری گواستنەوەن، لەو ڕیگایانەی کامێرای خاڵ بۆ خاڵی لێیە، دەبێت لە دەستە ڕاستی ڕیگاکە بڕۆن و خێراییان لە 80 کیلۆمەتر لە کاتژمیرێکدا زیاتر نەبێت. 

 

ئەوەی پێویستە بیزانیت: هەر بارهەڵگر و پاس و کۆستەرێک، بە خێرایی زیاتر لە 80 کیلۆمەتر لە شەقامی 120 مەتری، سەقامی 150 مەتری، ڕێگەی نێوان هەولێر –  دهۆک بڕوات، ئەوا بە درێژایی ڕێگاکە هەر کامێرایەک بکەوێتە بەردەمی، بە سەرپێچی بۆی هەژمار دەکات و سزاکە تۆمار دەکریت.