فوئاد حوسێن: دوای لووتکەی عەرەبی ڕاستەوخۆ سەردانی تاران دەکەم

ئاڤا نیوز

 

جێگری سەرۆکوەزیران و وەزیری دەرەوەی عێراق ئاشکرای دەکات، دانوستانەکانی نێوان ئەمریکا و ئێران تەوەرێکی کووبونەوەکانی لووتکەی وڵاتانی عەرەبی دەبێت و دەڵێت: "دوای لووتکەی عەرەبی ڕاستەوخۆ سەردانی تاران دەکەم".

 

وێنە گەورەکە: لووتکەی وڵاتانی عەرەبی 17-5-2025 لە بەغدا بەڕێوەدەچێت و بۆ ئەم کۆبوونەوەیە پادشا و سەرۆکی هەر 22 وڵاتەکەی ئەندام لە کۆمکاری عەرەبی بانگهێشتکراون، بەڵام بەشێکیان ڕایانگەیاند کە لەبری خۆیان شاند دەنێرن.

 

لیدوانی فەرمی: فوئاد حوسێن، جێگری سەرۆکوەزیران و وەزیری دەرەوەی عێراق لەچاوپێکەوتنێکی تەلەفزیۆنیدا ڕایگەیاند: سەرکەوتنی دانوستانەکانی نێوان ئەمریکا و ئێران بۆ عێراق گرنگە و بۆ ئەو مەبەستەش دوای ئەوەی لووتکەی عەرەبی کارەکانی لەبەغدا تەواو دەکات، ڕاستەوخۆ سەردانی تاران دەکەم .

 

- هیوادارین دانوستانەکانی نێوان هەردوو ولات دەرئەنجامی باشی هەبێت بەپێچەوانەوە ناوچەکە تووشی دۆخێکی نەخوازراو دەبێت.

- پێشتر ئێران کاریگەری بەسەر سیاسەتی عێراقدا هەبوو، وەک بەشێک لەوڵاتانی دیکە و تەنانەت کۆمەڵگەکەشی بەڵام ئێستا بڕیاردان لە بەغدایە نەوەک تاران و ئەنقەرە.