حکومەتی عێراق ڕوونکردنەوەیەک لەبارەی سەردانی ترەمپ سعودییە بۆ دەدات

ئاڤا نیوز

وتەبێژی حکومەتی عێراق، هەموو ئەو هەواڵانە ڕەتدەکاتەوە کە باس لەوە دەکەن عێراق داوای بەشداریکردنی کردبێت لە پەراوێزی کۆبوونەوەکانی ترەمپ لە سعودییە. 

وێنە گەورەکە: دۆناڵد ترەمپ، سەرۆکی ئەمریکا ڕۆژی سێشەممەی ڕابردوو 13-5-2025 گەشتێکی چوار ڕۆژەی بۆ بەشێک لەوڵاتانی کەنداو دەستپێکرد و سعودییە یەکەم وێستەگەی سەردانەکەی بوو، لەگەشتەکەیدا زنجیرەیەک گرێبەستی بەچەندین ملیار دۆلار لەگەڵ بەرپرسانی وڵاتانی سعودییە، قەتەر و ئیمارات واژۆ کرد، هاوکات لە ریازی پایتەختی سعودییە لەگەڵ ئەحمەد شەرع، سەرۆککۆماری سووریا کۆبووەوە.

لێدوانی فەرمی: باسم عەوادی، گوتەبێژی حکومەتی عێراق لە چاوپێکەوتنێکی تەلەفزیۆنیدا ڕایگەیاند: عێراق  پەیوەندییەکی پتەو و بەهێزی لەگەڵ شانشینی سعودییە هەیە، بەردەوامیش حکومەت لەهەوڵدایە بۆ پتەوکردنی پەیوەندییەکانی لەگەڵ ئەو وڵاتە تاوەکو بەرەو قۆناغی هاوبەشی و هاوکاری لەسەرجەم سێکتەرەکاندا بیبات.

-    پەیوەست بە سەردانەکەی دۆناڵد ترەمپ، سەرۆکی ئەمریکا بۆ ناوچەکە عەوادی گوتی، "ئەو سەردانە زۆر گرنگە بۆ ئایندەی ناوچەکە و گەلانی عەرەب".

-    عێراق داوای بەشداریکردنی لە کۆبوونەوەکانی ترەمپ نەکردووە و داواش نەکراوە ئامادەبین.