ئومێد شامورادی "من و تۆ" بڵاودەکاتەوە

ئاڤا نیوز

ئومێد شامورادی بەرهەمێکی نوێی بە ناوی "من و تۆ" بڵاوکردەوە کە خۆی خاوەنی هۆنراوە و ئاوازەکەیەتی.

وێنە گەورەکە: هونەرمەندی لاوی ڕۆژهەڵاتی کوردستان "ئومێد شامورادی" بەرهەمێکی نوێی بە ناوی (من و تۆ) لە شێوەی ڤیدیۆ کلیپدا لە چەناڵی یوتیوبی خۆی بڵاوکردەوە و لەسەری نووسیویەتی: بەرهەمەکە تێکەڵەیەکە لە دەنگی کوردی پڕ هەست لەگەڵ ڕیتمی هاوچەرخ، دواتر نووسیویەتی، بەرهەمی "من و تۆ" بەشێوەیەکی هونەری میوزیکی کوردی نەریتی تێکەڵ بە بەرهەمهێنانی مۆدێرن کراوە.

ئەوەی پێویستە بیزانیت: گۆرانی "من و تۆ" نوێترین بەرهەمی (ئومێد شامورادی)ـیە کە هەر خۆشی هۆنراوەی گۆرانییەکەی نووسیوە و ئاوازیشی بۆ داناوە.

زانیاریی زیاتر: کارەکانی ڕێکخستن و میکس و ماکسترینگی بەرهەمەکەش "ئارمیا ڕەزاق تەڵەب" کردوویەتی.