ڕێوڕەسمی دەستبەکاربوونی پاپای ڤاتیکان بەڕێوەدەچێت

ئاڤا نیوز

 

دوای نزیکەی دوو هەفتە لە هەڵبژاردنی پاپای ڤاتیکان، ڕۆژی یەکشەممە بە ئامادەبوونی سەرۆک و سەرکردەی بەشێک لە وڵاتان ڕێوڕەسمی دەستبەکاربوونی پاپا بەڕێوەدەچێت.

 

وێنە گەورەکە: ڕۆژی یەکشەممە، 18-5-2025، بڕیارە بە ئامادەبوونی چەندین سەرکردە و کەسایەتییەکانی جیهان و هەزاران پەیڕەوانی ئایینی کاتۆلیکی لە گۆڕەپانی سانت پیتەر لە ڤاتیکان ڕێوڕەسمی دەستبەکاربوونی پاپا لیۆی چواردەم بەڕێوەبچێت.

 

ئەوەی پێویستە بیزانیت: ڕۆبێرت فرانسیس پرێڤۆست، کە خۆی بە پاپا لیۆی چواردەم ناساند، یەکەم پاپای ئەمریکییە لە مێژووی کەنسیەی کاتۆلیکی.

 

زانیاریی زیاتر: بڕیارە هەریەکە لە جەی دی ڤانس، جێگری ترەمپ و ڤۆلۆدیمێر زێلێنسکی، سەرۆکی ئۆکرانیا، ئیسحاق هێرزۆگ، سەرۆکی ئیسرائیل، جۆزێف عەون، سەرۆکی لوبنان، هەروەها فریدریش مێرز، ڕاوێژکاری ئەڵمانیا، فرانسوا بایرۆ، سەرۆکوەزیرانی فەرەنسا، جۆرجیا مێلۆنی، سەرۆکوەزیرانی ئیتالیا و ئورسولا ڤۆن دێر لایین، سەرۆکی کۆمیسیۆنی ئەوروپا ئامادەی ڕێوڕەسمی بن.

باکگراوند: دوای مردنی پاپا فرانسیس، ڕۆژی 8-5-2025، دوای کۆبوونەوەیەکی 24 کاتژمێری کاردیناڵەکانی جیهان لە کەنیسەی سیستین پاپای نوێی ڤاتیکان هەڵبژێردرا و بووە پاپای فەرمی ڤاتیکان و  ڕێبەری کاتۆلیکەکانی جیهان.