نوێنەری ڕێکخراوەکان داوایەک ئاراستەی کۆمەڵگەی نێودەوڵەتی دەکەن

ئاڤا نیوز

 

پێکهاتەکان داوایەک ئاراستەی کۆمەڵگەی نێودەوڵەتی دەکەن، دژی بڕیارەکەی دادگەی فیدراڵی بوەستنەوە، چونکە بەهۆیەوە "مەترسی لەناوچوونیان هەیە". 

 

ڕاگەیێنراوی فەرمی: نوێنەری ڕێکخراوەکانی کۆمەڵگەی مەدەنی کلدان، ئاشووری و ئەرمەن له‌ كۆنگره‌یه‌كی ڕۆژنامه‌وانیدا ڕاگه‌یێنراوێکی هاوبه‌شیان ئاراسته‌ی كۆمه‌ڵگه‌ی نێوده‌وڵه‌تی، ڕێكخراوه‌كانی مافی مرۆڤی سه‌ر به‌ نه‌ته‌وه‌یه‌كگرتووه‌كان، نوێنه‌ری یه‌كێتیی ئه‌وروپا له‌ عێراق، نوێنه‌ری ئه‌مریكا له‌ عێراق، سه‌رجه‌م باڵیۆزخانه‌ و كۆنسوڵخانه‌كانی عێراق و هه‌رێمی كوردستان، هه‌ر سێ سه‌رۆكایه‌تییه‌كه‌ی عێراق و كۆمسیۆنی باڵای مافه‌كانی مرۆڤ له‌ عێراق كرد، داوا ده‌كه‌ن دژی بڕیارەکانی دادگەی فیدراڵی بوەستنەوە کە مەترسی خستووەتە سەریان.

 

ئەوەی پێویستە بیزانیت: دادگەی باڵای فیدراڵی بە بڕیارێک کورسیی کۆتای پەرلەمانی هەڵوەشاندەوە، ئەمەش ئەرکی پێکهاتەکان زەحمەتتر دەکات لە بەدەستهێنانی کورسیی پەرلەمان. 

 

زانیاری زیاتر: ڕێکخراوەکانی کۆمەڵگەی مەدەنی کلدان و ئاشووری و ئەرمەن سه‌ركۆنه‌ی بڕیاره‌كه‌یان كردووه‌ به‌ سته‌مكارانه‌ دژ به‌ پێكهاته‌ ڕه‌سه‌نه‌كانی گه‌لی كوردستان ناویان بردووه‌.