سەرمایەی وەبەرهێنانی ئەمریکا لە هەرێمی کوردستان سەدان ملیۆن دۆلارە

ئاڤا نیوز

کۆمپانیا ئەمریکییەکان بە سەرمایەی نزیکەی 500 ملیۆن دۆلار پرۆژەی سەربەخۆ و هاوبەشیان لە هەرێمی کوردستان هەیە و دەرفەتی زیاتریش بە وەبەر‌هێنەرانی بیانی دەدرێت.

وێنە گەورەکە: پەیوەندیی نێوان ئەمریکا و هەرێمی کوردستان لە ئاستێکی باڵادایە و ئەمریکا وەک هاوبەشێکی گرنگ لە هەولێر دەڕوانێت، لەم چوارچێوەیەشدا سەرۆکوەزیران مەسرور بارزانی لەبارەی چەند پرسێکی گرنگ و چارەنووسساز لە واشنتنە، لەگەڵ بەرپرسە باڵاکانی ئەمریکا پەیوەست بە بەرەوپێشچوون و دیدگای هەرێمی کوردستان لە ناوچەکە کۆدەبێتەوە.

لێدوانی فەرمی: بەرگەشت ئاکرەیی، وتەبێژی دەستەی وەبەرهێنان بە ئاڤای ڕاگەیاند: چوار پڕۆژەی وەبەرهێنانی ئەمریکا لە هەرێمی کوردستان هەیە، سەرمایەکەیان نزیکەی 120 ملیۆن دۆلارە، پرۆژەکان لە سێکتەرەکانی نیشتەجێبوون و فێرکردن، پیشەسازی و بازرگانی جێبەجێکراون.

گۆشەیەکی دیکەی دیمەنەکە: سێ پرۆژەی هاوبەش لە نێوان هەرێمی کوردستان و ئەمریکا هەیە، سەرمایەکانیان نزیکەی 370 ملیۆن دۆلارە و پرۆژەکان جێبەجێکراون. بەرگەشت ئاکرەیی ئەمەی بۆ ئاڤا ئاشکرا کرد.

لەلایەکی دیکەوە: نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازی بە ئاڤای ڕاگەیاند: لە ماوەی پێنج مانگی رابردوو دا 31 کۆمپانیا بە سەرمایەی زیاتر لە 15 ملیۆ دۆلار، ئامێر و ڤاکسین، پێدوایستیی تاقیگە و کەلوپەلیان لە ئەمریکاوە هێناوەتە هەرێمی کوردستان.

ئەمەش بزانە: حکومەتی هەرێمی کوردستان کارئاسانی بۆ وەبەر‌هێنەر و بازرگانە بیانییەکان دەکات تاوەکو سەرمایەکانیان لە ناوچە جیاوازەکانی کوردستان بخەنگەر