مەسرور بارزانی: خۆشحاڵم لە واشنتن سەرپەشتیی واژۆکردنی دوو ڕێککەوتنی گرنگ دەکەم

ئاڤا نیوز

 

کۆمپانیای ئێچ کەی ئێن ئێنێرژی و گرووپی ئۆنێکس ڕێککەوتنێکیان لەگەڵ حکومەتی هەڕێمی کوردستان واژۆکرد بۆ گەشەپێدان بە کێڵگەی غازی میران بە هاوبەشی لەگەڵ کۆمپانیای میران ئێنێرجی. لەو چوارچێوەیەدا مەسرور بارزانی وتارێکی لە واشنتن پێشکەشکرد.

 

وێنە گەورەکە:  لەدوای واژۆکردنی گرێبەستەکانی بواری وزە لە نێوان هەردوو کۆمپانیای نەوتی ئەمەریکی ئێچ کەی ئێن ئێنێرژی و وێستێرن زاگرۆس لەگەڵ وەزارەتی سامانە سرووشتییەکانی حکومەتی هەرێمی کوردستان، سەرۆکوەزیران مەسرور بارزانی وتارێکی پێشکەشکرد.

 

لێدوانی فەرمی:  سەرۆکوەزیران مەسرور بارزانی لە واشنتن ڕایگەیاند: ئەمە هەنگاوێکی گرنگە لەبواری پەرەپێدان بە سەرچاوەی وزە بۆ دەستبەرکردنی داهات و ڕەخساندنی هەلی کار بۆ هاووڵاتیان، ئەمە دەرخەری ئەوەیە کە هەرێمی کوردستان پابەندی ئاشتی و پەرەپێدانی ئابوورییە لە ناوچەکە.

 

لەلایەکی دیکەوە: سەرۆکوەزیران مەسرور بارزانی باسی لەوەشکرد، خۆشحاڵم لە واشنتن سەرپەرشتی دوو ڕێککەوتننامەی گرنگ دەکەم، بە دڵنیاییەوە ئەم دوو کۆمپانیاییە کاریگەریی باشیان لەسەر بوژانەوەی ئابووری هەرێمی کوردستان و عێراقیش هەبووە، بەهۆی ئەمەوە سوودیان بۆ کۆمپانیاکەی خۆیان و وڵاتەکەشیان هەبووە. 

 

بۆچی گرنگە: حکومەتی هەرێمی کوردستان بە واژۆکردنی ئەم دوو ڕێککەوتننامەیە، داهاتێکی زۆر باش بۆ هاووڵاتیانی دەستەبەر دەکات، کە کۆی گشتیی داهاتی پرۆژەکە بە 110 ملیار دۆلار خەمڵاندنی بۆ کراوە.