وەقفی سوننی ڕوونکردنەوە لەبارەی دامەزراندنی 50 ئافرەت وەک ئیمامی مزگەوت دەدات

ئاڤا نیوز

 

دوای ئەوەی وابڵاوکرایەوە کە دیوانی وەقفی سوننە، لە موسڵ ژمارەیەک ئافرەت وەک ئیمام و خەتیبی مزگەوت دامەزراندووە، دواتر لە ڕوونکردنەوەیەکدا بێ ئاگای خۆیان لەو بابەتە خستەڕوو و دیوانی پارێزگا تۆمەتبار دەکەن. 

 

چیرۆکی سەرەکی: لە ماوەی ڕابردوو دیوانی وەقفی سوننە زیاتر لە 50 ئافرەت بەپلەی وەزیفی " ئیمامی چوارەم و پێنجەم " دادەمزرێنێت و دابەشی سەر مزگەوتەکانی پارێزگای موسڵی دەکات، ئەمەش کاردانەوەی بەدوای خۆیدا هێنا.

 

ڕاگەیێنراوی فەرمی: دیوانی وەقفی سوننی لە ڕاگەیێنراوێکدا ڕایگەیاند: ناو و ناونیشانی ئەو ژمارە ئافرەتە لەنێو 17 هەزار پلەی وەزیفی لە پارێزگاکەوە هاتووە بۆمان ئێمە هیچ ڕۆڵێکمان لەو بابەتەدا نەبووە، ئەوە لەلایەن پارێزگاکەوە کراوە. 

لە لایەکی دیکەوە: ئەم ڕوونکردنەوەی دیوانی وەقفی سوننی لەکاتێکدا پێشتر، ئەحمەد عەبد ڕەببە، ئەندامی ئەنجوومەنی پارێزگای نەینەوا ڕایگەیاند، وەقفی سوننە زیاتر لە 50 ئافرەتی وەکو ئیمامی مزگەوت دامەزراندووە.