پارێزگاری بەسرە: فەرمانبەری سوودانی نیم و پابەند نابم بە ڕێنماییەکانی

ئاڤا نیوز

 

سەبارەت بە ڕاگرتنی هەڵمەتی لابردنی زێدەڕۆیی، پارێزگاری بەسرە وەڵامی ڕێنمایی سەرۆکوەزیرانی عێراقی دەداتەوە و دەڵێت: من فەرمانبەری سوودانی نیم و پابەندنابم.

 

چیرۆکی سەرەکی: دوای ئەوەی هەڵمەتەکەی حکومەتی بەسڕە بۆ لابردنی زێدەڕۆیی لەسەر زەوی فەرمانبەران، لە ئاستی سیاسیی و تۆڕە کۆمەڵایەتییەکان کاردانەوەی لێکەوتەوە و سەرۆکوەزیرانی عێراق، پارێزگاری بەسرەی ڕاسپارد تاوەکو دۆزینەوەی چارەسەرێکی گونجاو هەڵمەتەکە ڕابگرێت.

 

لێدوانی فەرمی: ئەسعەد عیدانی، پارێزگاری بەسرە ڕایگەیاند: 

- پارێزگار لەلایەن ئەنجوومەنی پارێزگاوە هەڵدەبژێردرێت و بە فەرمانبەری حکومەتی ناوەندی داناندرێت.

- ئەو ڕێنماییەی ئەم دواییەی سەرۆکوەزیران بە ڕوونی پێچەوانەی مادەی 154 ـی یاسای لابردنی زێدەڕۆیی لەسەر موڵک و ماڵی گشتی و تایبەت و پێشینەیەکی مەترسیدارە بۆ هاندانی زێدەڕۆیی.

- هەموو ئەو ڕێوشوێنانەی گرتوومانەتەبەر سەبارەت بەم بابەتە، لەسەر بنەمای بڕیاری دادوەری بووە و بەهیچ شێوەیەک لە جێبەجێکردنی پاشگەز نابینەوە.

لەلایەکی دیکەوە: ئەنجوومەنی باڵای دادوەری عێراق، ڕەتیدەکاتەوە هیچ فەرمانێکی دەستگیرکردنی بۆ ئەسعەد عیدانی، پارێزگاری بەسرە دەرکردبێت وەک ئەوەی لەبەشێک لەمیدیا عێراقییەکان بڵاوبووتەوە.