ڕێبەر ئەحمەد: هەرێمی کوردستان جێگای متمانەی کۆمپانیا گەورەکانە

ئاڤا نیوز

 

وەزیری ناوخۆی حکومەتی هەرێمی کوردستان دەڵێت: ئەو دوو گرێبەستە نوێیەی هەرێمی کوردستان لەگەڵ کۆمپانیا ئەمریکییەکان بۆ پەرەدان بە کەرتی غاز کردویەتی، دەرخەری ئەوەیە کوردستان جێگای متمانەی کۆمپانیا گەورەکانە.

 

وێنە گەورەکە: بە ئامادەبوونی مەسرور بارزانی، سەرۆکوەزیرانی کوردستان، وەزارەتی سامانە سروشتییەکانی هەرێمی کوردستان دوو گرێبەستی بۆ پەرەپێدانی دوو کێڵگەی غازی سرووشتی واژۆ کرد کە بەهای هەردوو هەردوو کێڵگەکە 110 ملیار دۆلارە و بە هەردوو کێڵگەکە 13 ترلیۆن پێ سێجا گازی سروشتییان هەیە.

 

لێدوانی فەرمی: ڕێبەر ئەحمەد، وەزیری ناوخۆی حکومەتی هەرێمی کوردستان لە کۆنگرەیەکی ڕۆژنامەوانی وتی، ئەم سەردانەی مەسرور بارزانی، سەرۆکوەزیرانی کوردستان بۆ ئەمریکا، لەم باردۆخەی ڕۆژهەڵاتی ناوەڕاست و ناوچەکە، دەریدەخات هەرێمی کوردستان جێگای متمانەی کۆمپانیا گەورەکانی ئەمریکایە و هاوکات جێگای متمانەی دۆستەکانمانە، هەربۆیە کۆمپانیاکانی ئەمریکا و ئەوروپا دەیانەوێت وەبەرهێنان لە هەرێمی کوردستان دەکات.

- وەزیری ناوخۆ ئەوەش دەڵێت: سەرۆکوەزیرانی کوردستان لەسەرەتای دەستبەکاربوونی لەم کابینەیەدا گرنگی بە بەرهەمی ناوخۆیی و ڕاکێشانی سەرمایەی بیانی وەبەرهێنەری بیانییدا. لەبارەی پەیوەندیییەکانی هەرێمی کوردستان لەگەڵ ئێران وتی، "پەیوەندییەکانمان لەگەڵ ئێران لە ئاستێکی باشدایە و پێمان خۆشە زۆرترین کۆمپانیای ئێرانی لە کوردستان وەبەرهێنان بکەن".