قەدەغەی چاندنی گەنمەشامی بە مەرج هەڵدەگیرێت

ئاڤا نیوز

 

لە دوو ڕۆژی ڕابردوودا بەڕێوەبەرایەتی گشتیی کشتوکاڵی هەولێر چاندنی گەنمەشامی بۆ ئەمساڵ قەدەغە کرد، بەڕێوەبەری کشتوکاڵی هەولێر بە ئاڤای وت، بە مەرج ئەو قەدەغەیەمان لاداوە.

 

وێنە گەورەکە: لە ماوەی ڕابردوو، بەڕێوەبەرایەتیی سەرچاوەکانی ئاو نووسراوێکی ئاڕاستەی وەزارەتی کشتوکاڵ کردبوو بۆ پاراستنی ئاوی ژێر زەوی پێویستە چاندنی گەنمەشامی قەدەغە بکرێت، وەزارەت بڕیاریدا بۆ ئەمساڵ چاندنی ئەم بەرهەمە قەدەغە بکرێت.

 

لێدوانی فەرمی: هێمن سەید موراد، بەڕێوەبەری گشتیی کشتوکاڵی هەولێر بە ئاڤا میدیای ڕاگەیاند، لەم دوو ڕۆژە داواکارییەکی زۆری جوتیارانمان پێگەیشت، بۆیە بڕیارماندا ڕێگە بە چاندنی گەنمەشامی بدەین بەشێوەی سنووردار بەجۆرێک  مەرجە نیوەی ڕووبەری ساڵانی پێشوو بچێنرێت، جگە لەوە پێویستە ئاودانەکەی بە دڵۆپە بێت بۆ ئەوەی کەمترین ئاو بە فیڕۆ بدرێت.
 

باکگراوند: لە هەرێمی کوردستان 2.5 ملیۆن دۆنم زەوی بۆ چاندن هەیە و بەشێکی بەرچاوی پشت بە ئاوی بیر دەبەستێت، ساڵانە دوای دروێنەکردنی گەنم بەشێک لە جووتیاران لە زەوییەکانیان گەنمەشامی دەچێنن.