یەکێتیی ئەوروپا سەرجەم سزاکانی سەر سووریای هەڵگرت

ئاڤا نیوز

 

ڕۆژی سێشەممە یەکێتیی ئەوروپا لە برۆکسڵ کۆبووەوە و بە ڕەزامەندی وەزیرانی دەرەوەی وڵاتانی یەکێتیی ئەوروپا سەرجەم سزا ئابوورییەکانی سەر حکومەتی نوێی سووریای هەڵگرت.

 

زانیاریی بەدەستهاتوو:  ڕۆژی سێشەممە، 20-5-2025، یەکێتی ئەوروپا لە بڕۆکسلی پایتەختی بەلجیکا سەبارەت بە سووریا  کۆبووەوە و بڕیاریدا سەرجەم سزا ئابوورییە سەپێنراوەکانی سەر حکومەتی نوێی سووریا هەڵبگرێت. 

پێدراوە ڕاستەکان: پێشتر هەندێک وڵاتی ئەندام لە یەکێتیی ئەوروپا بڕیاری کەمکردنەوەی بەشێک لە سزاکانی سووریایان داوە لەکەرتەکانی وزە، وەک پاڵپشتییەک بۆ حکومەتی نوێ و هاووڵاتیانی و دووبارە نۆژەن کردنەوەی سووریا.

ئەوەی پێویستە بیزانیت: ڕۆژی 2025-05-13، دۆناڵد ترەمپ، سەرۆکی ئەمریکا لە سعودییەوە لەسەر داوای محەممەد بن سەلمان. شازادی جێنشینی سعودییە بڕیاریدا سزاکانی سەر سووریا هەڵبگرێت و دەرفەتێک بۆ ئاوەدانکردنەوەی وڵاتەکە بە سەرکردایەتیی نوێی دیمەشق دەدات.