چین: پشتیووانی پاکستان دەکەین تا سەروەرییەکەی بپارێزێت

ئاڤا نیوز

 

چین ڕایگەیاند، پاڵپشتیی لە پاکستان دەکات لە بەرگریکردن لە سەروەریی نیشتمانی و یەکپارچەیی خاکەکەی. 

 

وێنە گەورەکە: لەماوەی ڕابردوودا گرژییەکانی پاکستان و هیندستان گەیشتە لووتکە، بەجۆرێک چەند پێگەیەکیان لەناو خاکی یەکدی بۆردوومان کرد، دواتر بە هەوڵی ئەمریکا ئاگربەست ڕاگەیێنرا.

لێدوانی فەرمی: وانگ یی، وەزیری دەرەوەی چین لەمیانەی کۆبوونەوەی لەگەڵ محەممەد ئسحاق دار، هاوتا پاکستانییەکەی ڕایگەیاند، وڵاتەکەی پێشوازی لە هەوڵەکانی هیندستان و پاکستان دەکات بۆ چارەسەری کێشەکانیان بە دیالۆگ. 

ئەوەی پێویستە بیزانیت: چین گەورەترین دابینکەری چەکی پاکستانە. دوای هێرشەکانیشی بۆ سەر چەند پێگەیەک لەناو خاکی هیندستان، پاکستان ڕایگەیاند لە هێرشەکانی ئەم دواییەدا بۆ سەر هیندستان فڕۆکەی چینی بەکار هێناوە.