جۆی ویڵسن: حکومەتی ئەمریکا پاڵپشتی لە وەبەرهێنانی ئەمریکی لە کوردستان دەکات

ئاڤا نیوز

جۆی ویڵسن، کۆنگرێسمانی ئەمریکی، دوای کۆبوونەوەی لەگەڵ سەرۆکوەزیران مەسروور بارزانی، پاڵپشتیی ئەمریکای بۆ وەبەرهێنانی کۆمپانیا ئەمریکییەکان لە هەرێمی کوردستان دوپات کردەوە. 

وێنە گەورەکە: ڕۆژی 19-5-2025، دوو گرێبەست لە بواری نەوت و وزە لەنێوان کۆمپانیاکانی 'ئێچ کەی ئینێرژی' و 'وێستێرن زاگرۆس'ی ئەمریکی، لەگەڵ وەزارەتی سامانە سرووشتییەکانی هەرێمی کوردستان لە ئەمریكا بە ئامادەبوونی سەرۆكوەزیران مەسرور بارزانی واژۆ کرا.

ڕاگەیێنراوی فەرمی: ویڵسن لە نووسینێکیدا لە تۆڕی کۆمەڵایەتیی ئێکس ڕایگەیاند، گرێبەستەکانی ئەم دواییەی نێوان کۆمپانیا ئەمریکییەکان و حکومەتی هەرێـمی کوردستان بۆ گەشەدان بە کەرتی گازیی عێراق زۆر گرنگن.

ئەو دەشڵێت، توڕەم لەوەی حکومەتی عێراقی دژی ئەوم گرێبەستانەیە لە کاتێکدا بە هۆی ئەم گرێبەستانەوە عێراق پێویستیی بە هاوردەکردنی گاز لە ئێرانەوە نامێنێت.

دەقی نووسینەکە:

"خۆشحاڵم بە بینینی سەرۆکوەزیرانی حکومەتی هەرێمی کوردستان مەسرور بارزانی. توڕەم بەوەی سەرۆکوەزیرانی عێراق محەممەد شیاع سوودانی و وەزارەتی نەوتی دژی وەبەرهێنانی ئەمریکین بۆ گەشەدان بە گازی عێراق کە ئەمە بۆ ڕاگرتنی هاوردەکردن لە ئێرانەوە زۆر گرنگە. ئەمریکا هەمیشە پاڵپشتی لە وەبەرهێنانە ئەمریکییەکان لە کوردستان دەکات."