ناتۆ: ڕووسیا لە سنووری فینلەندا ئامادەکاریی سەربازیی گەورە ئەنجام دەدات

ئاڤا نیوز

 

بەپێی بڵاوکراوەیەکی فەرمیی هاوپەیمانیی ناتۆ، ڕووسیا لە سەر سنووری فینلەندا جموجوڵی سەربازیی نائاسایی ئەنجام دەدات.

 

وێنە گەورەکە: جەنگی نێوان ڕووسیا و ئۆکراینا، ناکۆکی نێوان ناتۆ و ڕووسیای قووڵتر کردەوە لە کاتێکدا ڕووسیا پاساوی دەستپێکردنی جەنگی ئۆکراینا بۆ پێشکەشکردنی داواکاری کیێڤ بۆ ئەندامبوون لە ناتۆ دەگەڕێنێتەوە، بە ساڵێک دوای دەستپێکردنی جەنگەکە، ناتۆ بەئەندامبوونی فینلەندای پەسەند کرد، لە ئێستادا جوڵە سەربازییەکانی ڕووسیا لە سەر سنووری فینلەندا بووەتە هۆی نیگەرانی ئەو وڵاتە و هاوپەیمانی ناتۆ.

 

بڵاوکراوەی فەرمی: بەپێی ڕاگەیێنراوێکی فەرمی ناتۆ کە تێیدا وێنەی مانگی دەستکردی بڵاوکراوەتەوە، ئەوە دەسەلمێنێت ڕووسیا لەسەر سنووری فینلەندا ئامادەکارییەکی گەورەی سەربازی ئەنجام دەدات، لە وێنەکاندا سەدان خێمەی سەربازی، کۆگای تانک و ئۆتۆمبێل و کەلوپەلی سەربازی، نوێکردنەوەی بنکەی فڕۆکە جەنگیەکان و دروستکردنی بنکەی سەربازیی نوێ بۆ هێلیکۆپتەر و فڕۆکەی بێفڕۆکەوان بەدیدەکرێت.

 

ئەوەی پێویستە بیزانیت: فینلەندا نوێترین ئەندامی ناتۆیە و دوای ساڵێک لە دەستپێکردنی جەنگی نێوان ڕووسیا و ئۆکراینا لە 4 – 4 – 2023، داواکاریی بەئەندامبوونی لە ناتۆ پەسەندکرا.