فینلەندا پاڵپشتیی بۆ هەرێمی کوردستان دووپاتدەکاتەوە

ئاڤا دیجیتاڵ

سەرۆکوەزیران بارزانی لە داڤۆس لەگەڵ وەزیری دەرەوەی فینلەندا کۆبووەوە و وێڕای سەرکۆنەکردنی هێرشەکانی سەر هەولێر، گفتوگۆیان لەبارەی برەودان بە پەیوەندی دوولایەنە کرد. 

 

لێدوانی فەرمی: "لە داڤۆس لەگەڵ ئیلینا ڤالتۆنن وەزیری دەرەوەی فینلەندا كۆبووینەوە، وێڕای سەركۆنەكردنی هێرشەكانی سەر هەولێر، گفتوگۆمان لەبارەی برەودان بە پەیوەندی دوولایەنە، بە تایبەتی لە بوارەكانی وەبەرهنیان و تەكنەلۆژیادا كرد". سەرۆكوەزیران بارزانی وادەڵێت.

 

 ئەوەی پێویستە بیزانیت: كۆڕبەندی داڤۆس 2024، ڕۆژی دووشەممە 15-01-2024، بە درووشمی بنیاتنانەوەی متمانە دەستیپێكرد، تا رۆژی هەیینی 19-01-2024، بەردەوام دەبێت. كۆڕبەندی ئەمساڵی داڤۆس پێشوازی لە 100 سەرۆك حكومەت و سەدان دەزگا و ڕێكخراوە نێودەوڵەتییەكان و هەزار هاوبەشی كۆڕبەندەكە دەكات.

ماڵی كوردستان لەماوەی چوار ڕۆژی كۆڕبەندەكەدا، لەپاڵ هەریەكە لە ماڵی وڵاتانی سعودیە، ئیمارات، یۆنان، بەلجیكا، هیندستان، ئۆكراین، پۆڵەندا و وڵاتانی دیكە (عێراق ماڵی نییە) پێشوازی لە میوانان و بەشداربووان دەكات، چەندین چالاكی جۆراوجۆری تێدا دەكرێن و كولتووری هەرێمی كوردستان نیشانی میوانان دەدرێت.