ئەکرەم ئیمام ئۆغڵو بەهۆی پاشگەزبوونەوە لە بەڵێنەکانی دەنگدەرانی تووڕە دەکات

ئاڤا نیوز

 

ئەکرەم ئیمام ئۆغڵو، بەربژێری پارتی جەهەپە بۆ گەورەشارەوانی ئیستەنبووڵ، بەڵێنەکانی پێنج ساڵی ڕابردووی بیرنایەتەوە، ئەمەش دەنگدەرانی تووڕە دەکات.

 

چیرۆکی سەرەکی: ئەکرەم ئیمام ئۆغڵو، ماوەی پێنج ساڵە سەرۆکی شارەوانی ئیستەنبووڵە، پێش ئەوەی ببێتە سەرۆک لە چاوپێکەوتنێکدا بەڵێن دەدات "دەتوانن ئیستەنبووڵ لە زیانەکانی بوومەلەرزە بپارێزن"؛

 

لێدوانی فەرمی: دوای بەشداریکردنی لە پرۆگرامێک لە چەند ڕۆژی ڕابردوودا، پێشکەشکارەکە لە  ئیمام ئۆغڵو دەپرسێت: لە ماوەی پێنج ساڵی سەرۆکایەتیت چ ئامادەکارییەکت بۆ ڕێگریکردن لە مەترسییەکانی بوومەلەرزە کردووە؟ لە وەڵامدا دەڵێت: ئەوەی 25 ساڵە نەکراوە، چۆن من دەتوانم بە پێنج ساڵ بیکەم!

 

لێكەوتەکانی:  ئەم دوو لێدوانەی ئیمام ئۆغڵو کاردانەوەی گەورەی لە نێو خەڵکدا دروست کردووە، بە ڕادەیەک دەنگدەرانی دەڵێن، بەڵێنێک کە خۆی داویەتی من لەبیرمە ئەو بیری  نەبێت! سەرۆکێکی وامان بۆ چییە؟

 

ئەوەی پێویستە بیزانیت: ئیمام ئۆغڵو بەربژێڕێکی بەهێزی پارتی جەهەپەی تورکیایە، بە جۆرێک بە ڕکابەری ڕەجەب تەیب ئەردۆغانی سەرۆککۆماری تورکیا ناودەبرێت.  

 

زانیاریی زیاتر: بەگوێرەی ئەنجامی زیاتر لە 10 ڕاپرسی جیاواز لە تورکیا، ئیمام ئۆغڵو بە ڕێژەی 0.6% لەپێش ڕکابەرەکەیەتی. ڕێژەی دەنگی جەهەپە لە هەڵبژاردنی پەرلەمانی ساڵی 2023 لە ئیستەنبووڵ 28.33% بووە.