ئەنجوومەنی ئاسایشی نەتەوەیی تورکیا هەنگاوەکانی دوای خۆهەڵوەشاندنەوەی پەکەکە  تاوتوێ دەکات

ئاڤا نیوز

 

بڕیارە ئەنجوومەنی ئاسایشی نەتەوەیی تورکیا کۆببێتەوە و پرسی سەرەکی کۆبوونەوەکە، خۆهەڵوەشاندنەوە و چەک دانانی  پەکەکە و دۆخی سووریایە.

 

بڵاوکراوەی فەرمی: ڕۆژی پێنجشەممە، ڕێککەوتی 22-5-2025، میدیاکانی تورکیا بڵاویانکردەوە، ئەنجوومەنی ئاسایشی نەتەوەیی تورکیا بە سەرۆکایەتیی ڕەجەب تەیب ئەردۆغان، سەرۆککۆماری تورکیا لە بارەی خۆهەڵوەشاندنەوە و چەکدانانی پەکەکە و دۆخەی ئێستای سووریا کۆدەبێتەوە.

 

ئەوەی پێویستە بیزانیت: میدیاکان ئەوەشیان ئاشکرا کردووە، لە کۆبوونەوەکەدا هەنگاوەکانی دوای چەکدانان و خۆهەڵوەشاندنەوەی پەکەکە و ڕێکارەکانی تورکیا تاوتوێ دەکرێت، هاوکات لەو کۆبوونەوەدا باس لە دوایین پێشهات، دۆخی سووریا و ڕادەستکردنی کەمپەکانی داعش بە حکومەتی نوێی سووریا گفتوگۆی لەسەر دەکرێت.

 

لەلایەکی دیکەوە: ئەنجوومەنی پارتی یەکسانی و دیموکراسیی گەلان دەم پارتی کۆنفرانسی هەڵسەنگاندنی پرۆسەی ئاشتی لە تورکیا ئەنجام دەدات، هاوکات تونجەر باکرهان، هاوسەرۆکی دەم پارتی لە بارەی بڕیاری چەکدانانی پەکەکە  ڕایگەیاند، پێویستە پرسەکان لە ڕێگەی دیموکراسیەوە چارەسەربکرێن و ئامانجمان بەدیهێنانی ئاشتییە.