دەستەی پاراستن و چاککردنی ژینگە ڕێنمایی نوێ بۆ وه‌رزی گه‌رما بڵاودەکاتەوە

ئاڤا نیوز

دەستەی پاراستن و چاککردنی ژینگەی حكومه‌تی هه‌رێمی كوردستان چەند ڕێنماییەک بڵاودەکاتەوە و داوا لە هاووڵاتییان دەکات پابەندبن پێیوە.

وێنە گەوەرە: ساڵانە لەگەڵ هاتنی وەرزی هاوین و گەرما، هاووڵاتیان بە مەبەستی مەلە و خۆفێنککردنەوە ڕوو لەو ناوچانە دەکەن کە بەنداو و ڕووباری لێیە. لەپێناو سەلامەتی و ڕوونەدانی ڕووداوی نەخوازراو، دەستەی پاراستن و چاککردنی ژینگە ڕێنمایی هاووڵاتیان دەکات.

ڕاگەیێنراوی فەرمی: ده‌سته‌ی پاراستن و چاككردنی ژینگه‌، داوا لە هاووڵاتییان دەکات، دڵنیا بن لەو شوێنەی مەلەی لێدەکەن به‌جۆرێك لەگەڵ تواناکانتان بگونجێت، باشترە لە کاتی مەلەکردندا دەورووبەرت خەڵكی لێ بێت و تەنیا نەبیت، هاوکات پێویستە هێلەگی تایبەت بە مەلەوانیت لەبەردا بێت.

- مەلەکردن لە ڕووبار و بەنداوەکان جیاوازە لەمەلەکردن لە مەلەوانگەیه‌كی داخراو، بۆیە پێویستە مەلەکردن لە ڕۆژدا بێت و لە تاریکیدا ڕێگە پێدراو نییە.

ئەوەی پیویستە بیزانیت: لە ساڵانی ڕابردوو ژمارەیەک هاووڵاتیی لەکاتی گەشت و سەیران لە ڕووبارەکان خنکاون، بەرگری شارستانی و دەستەی پاراستن و چاککردنی ژینگە بەردەوام ڕێنمایی هاووڵاتییان دەکەن بۆ ئەوەی سەڵامەت بن و دوور بن لە ڕووداوی نەخوازراو.