لە دەروازەیەکی عێراق دەست بەسەر بڕێکی زۆر لە پێداویستیی پزیشکی دەگیرێت

ئاڤا نیوز

 

لە بەندەری ئوم قەسر، دەستبەسەر بڕێکی زۆر لە پێداویستیی پزیشکی دەگیرێت و دەستەی دەروازە سنوورییەکانی عێراقیش دەڵێت، "ئەو پێداویستییانە ئامادەکرابوو بۆ بە قاچاخبردن". 

 

چیرۆکی سەرەکی: ئەمڕۆ شەممە، 24-5-2025، لە بەندەری ئوم قەسری باکووری عێراق، دەستەی دەروازە سنوورییەکانی عێراق دەستی بەسەر بڕێکی زۆر لە پێداویستیی پزیشکی جۆراوجۆردا گرت .

 

ڕاگەیێنراوی فەرمی: دەستەی دەروازە سنوورییەکانی عێراق ڕایگەیاند: تیمەکانیان لە چوارچێوەی بەرەنگاربوونەوە و نەهێشتنی قاچاخیی دەرمان و پێداویستیی پزیشکی، لە دەروازەی سنووریی ئوم قەسری سەر بە پارێزگای بەسڕە دەستیان بەسەر بڕێکی زۆر لە پێداویستیی پزیشکیی قاچاخدا گرتووە.

 

زانیاریی زیاتر: بەپێی ڕاگەیێنراوەکەی دەستەی دەروازە سنوورییەکانی عێراق، لەدوای پشکنینی کۆنتێنەرێک کە لە نزیک دەروازەکە دانرابوو، بڕێکی زۆر  لە پێداویستیی پزیشکی تێیدا دۆزراونەتەوە کە هیچ ڕەزامەندییەکی وەزارەتی تەندروستی لەسەر نەبووە بۆ هەناردە یاخود هاوردەکردن و هیچ بەڵگەیەکی فەرمیشی نەبووە پشتگیری لە بەکارهێنانی بکات.