سەربازێکی عێراقی هاوکارێکی دەکوژێت و سێ سەربازی دیکەش بریندار دەکات

ئاڤا نیوز

ئەندامێکی هێزە ئەمنییەکانی عێراق لە پارێزگای میسان بە دەسترێژی گوللە سەربازێکی هاوڕێی دەکوژێت و سێ ئەندامی دیکەی فەوجەکەیان بریندار دەکات، لە ڕووداوێکی دیکەشدا لە سەڵاحەددین شەش ئەندامی سەر بە حەشدی شەعبی بریندار دەبن.

چیرۆکی سەرەکی: لە دوو ڕووداوی جیادا لە پارێزگاکانی سەڵاحەددین و میسان، ئەندامێکی هێزە ئەمنییەکان دەکوژرێت و نۆ کەسی دیکەش برینداردەبن، بۆ بەدواداچوونی ڕووداوەکانیش وەزارەتی ناوخۆ لیژنەی لێکۆڵینەوەی لەبارەیانەوە پێکهێناوە.

زانیاریی بەدەستهاتوو: لە گوندی تل زەهەبی سنووری پارێزگای سەڵاحەدیین، ژمارەیەک ئەندامی لیوای 41ـی سەر بە هێزەکانی حەشدی شەعبی، بەهۆی دەستکاریکردنی هەڵەی بۆمبێکی دەستی، شەش ئەندامی هێزەکە برینداربوون.

لەلایەکی دیکەوە: لە قەزای نوعمانییەی پارێزگای میسان، ئەندامێکی هێزەکانی سەر بە وەزارەتی ناوخۆ، لەناو بارەگای فەوجەکەیان دەستدرێژیی گوللە لە هاوکارەکانیی دەکات، بەهۆیەوە ئەندامێکی هێزە ئەمنییەکان کوژرا و سێ ئەندامی دیکەش برینداربوون، ئاژانسی فەرمی هەواڵی عێراقیش بڵاویکردووەتەوە، عەبدولئەمیر شەمەری، وەزیری ناوخۆ لیژنەیەکی لێکۆڵینەوەی لەسەر ئەم ڕووداوە پێکهێناوە.