حیزبەکەی مالیکی لە لێواری تەقینەوەدایە و هۆشدارییی تووندی پێدەدرێت

ئاڤا نیوز

دۆخی ناوخۆی حیزبی دەعوەی ئیسلامی لە عێراق لە لێواری تەقینەوەیە و هۆشداری تووند بە مالیکی دەدرێت ئەگەر زوو ئەو بارودۆخە چاک نەکات، هەرچی گەندەڵی هەیە ئاشکرا دەکرێت.

چیرۆکی سەرەکی: بەهۆی گەندەڵی و بەخشینەوەی پلە و پۆست، دۆخی ناوخۆیی حیزبی دەعوەی ئیسلامی، کە نووری مالیکی سەرۆکایەتی دەکات و گەورەترین حیزبی ئیسلامی سیاسییە لە عێراق، خەریکە دەتەقێتەوە. دوایین هۆشداریش  بە مالیکی دەدرێت.

ڕاگەیێنراوی فەرمی: چەند بەرپرسێکی کۆن و دیاری حیزبی دەعوە، لەژێر ناوی دوعات، ڕاگەیێنراوێکی هۆشدارییان بڵاو کردووەتەوە، دەڵێن، حیزبی دەعوە بووە بە شەرعیەت دان بە گەندەڵکاران، پەنادانی خێزانە بەعسییەکان و بووە بە دووکانێک پلەو پۆستی تێدا دەفرۆشرێت، ئەگەر چاکسازی نەکەن، پەنا دەبەینە بەر مەرجەعیەتی باڵاو هەموو شتێکی بۆ ئاشکرا دەکەین.