ئۆرکێسترای مەریوان گۆرانییەکی حەسەن زیرەک دەڵێنەوە

ئاڤا نیوز

ئۆرکێسترای مەریوان گۆرانی "هەوری لارەکەمی"ـی  حەسەن زیرەک دەڵێنەوە. گۆرانییەکە دەنگدانەوەی زۆری بەدوای خۆیدا هێناوە.

ئەوەی پێویستە بیزانیت: هەوری لارەکەمی، یەکێکە لە خۆشترین گۆرانییەکانی حەسەن زیرەک. ئۆرکێسترای مەریوان لە شاری سنە وتوویانەتەوە و گۆرانییەکەیان زیندوو کردووەتەوە.

زانیاریی زیاتر: ئەم ئۆرکێسترایە، نزیکەی 50 کەس دەبن، زۆربەیان گەنجن و کەسانی ڕۆشنبیر و هونەردۆستن و کاری زۆر مەزن دەکەن بۆ خزمەتی هونەری کوردیی و زیندووکردنەوەی بەرهەمە کۆنەکانی هونەرمەندە گەورەکانی کورد.

ئەمەش بزانە: هۆشیار وەتەنی سەرپەرشتی گرووپەکە دەکات و  ئازاد ئەحمەد سەرۆکایەتی ئۆرکێستراکەی دەکات. گۆرانییەکە دەنگدانەوەی زۆری هەبوو لە شاری سنە، خەڵکێکی زۆر بۆ گوێگرتن لە گۆرانییەکە چووبوونە ناو هۆڵەکە، هونەرمەند سینا علی زادەش بەو دەنگە خۆشەی قاعەکەی دەزرگاندەوە.