ئاڤا هاووڵاتیانی دەڤەری باڵەكایەتی لە بیستنی دەنگێكی گەورە ئاگادار دەكاتەوە

ئاڤا نیوز

بەهۆی چالاكییەكی لەناوبردنی مین و تەقەمەنی نەتەقاوە لە چیای بەردەبووك لە دەڤەری باڵەكایەتی، ئاڤا دانیشتووانی چۆمان، گەڵاڵە و سمێڵان لە بیستنی دەنگێكی بەرز ئاگادار دەكاتەوە.

چیرۆکی سەرەکی: بەڕێوەبەرایەتیی گشتیی کاروباری مین لە هەولێر، ئەمڕۆ دووشەممە 26ـی ئایار، كاتژمێر 12:00ـی نیوەڕۆ، چالاكییەكی لەناوبردنی دەیان مین و پاشماوەی تەقەمەنیی جەنگی، لە بەرزاییەكانی چیای بەردەبووك لە دەڤەری باڵەكایەتی ئەنجام دەدات.

ڕاگەیێنراوی فەرمی: بەڕێوەبەرایەتیی گشتیی کاروباری مین لە هەولێر، لە ڕاگەیێنراوێكدا دانیشتووانی چۆمان، گەڵالە و سمێڵان لە بیستنی دەنگی بەرزی پڕۆسەكە ئاگاداردەکاتەوە، هاوكات  داواش لە دانیشتووانی ئەو ناوچانە دەکات بۆ هیچ مەبەستێک لەو شوێنە نزیک نەبنەوە.

ئەمەش بزانە: دانیشتووانی ئەو سنوورە بەمەبەستی گەشتیاری یاخود كۆكردنەوەی گژوگیای بەهارە یاخود بۆ لەوەڕاندنی مەڕ و ماڵاتەكانیان، دەچنە بەرزاییەكانی دەڤەری باڵەكایەتی، بەڕێوەبەرایەتیی كاروباری مین لە هەولێر هەموو لایەك ئاگادار دەكاتەوە نزیكی بەرزاییەكانی چیای بەردەبووك نەكەون.