سوودانی وەزارەتی دارایی بۆ ئامادەکردنی خشتەی بودجە ڕادەسپێرێت

ئاڤا نیوز

 

سەرۆکوەزیرانی عێراق، وەزارەتی دارایی ڕادەسپێرێت بۆ ئەوەی خشتەی بودجە ئامادە بکات وەک ئامادەکارییەک بۆ پەسندکردنی. ئەندامێکی لیژنەی داراییش ئاماژە بۆ ئەوە دەکات، بڕی بودجەکە 140 ترلیۆن دینار دەبێت.

 

لێدوانی فەرمی: موعین کازمی، ئەندامی لیژنەی دارایی لە پەرلەمانی عێراق، بە میدیای عێراقی ڕاگەیاند، هەفتەی ڕابردوو محەممەد شیاع سوودانی، وەزارەتی دارایی ڕاسپاردووە خشتەی بودجەی ساڵی 2025 ئامادە بکەن، وەک ئامادەکارییەک بۆ پەسەندکردنی لەلایەن ئەنجوومەنی وەزیران و ناردنی بۆ پەرلەمان.

 

زانیاریی زیاتر: بە وتەی کازمی، وەزارەتی دارایی چەند مانگێک لەمەوبەر لایەنی وەبەرهێنانی بودجەی ئامادەکردووە، کە بڕی 25 ترلیۆن دینار بوو، ئێستا پێشبینی دەکرێت لایەنی بەکاربردنی بودجە تەواو بکات، کە بە نزیکەی 115 ترلیۆن دینار دەخەمڵێنرێت.

 

لە هەمان کاتدا: کازمی ڕوونیکردەوە، "خشتەکانی بودجە بڕی 140 ترلیۆن دینارە، کە بەس دەبێت بۆ بەڕێوەبردنی دەوڵەت بۆ ئەو چەند مانگەی لەمساڵدا ماوە، لەوانەش مووچەی فەرمانبەران و خانەنشینان، چاودێری کۆمەڵایەتی، لایەنی دیکە، تێچووی دەرهێنانی نەوت و پڕۆژە بەردەوامەکانی وەبەرهێنان.