لە ڕووداوێکی تەقەکردندا لە ئەمریکا دوو کەس کوژران

ئاڤا نیوز

 

درەنگانی شەوی ڕابردوو لە فێلادێلفیا لە ئەمریکا دوو دوو کەس بەهۆی دەستڕێژی گولـلە کوژران و چەند کەسێکیش بریندار بوون.

 

بڵاوکراوەی فەرمی: میدیاکانی ئەمریکا بڵاویانکردەوە، درەنگانی شەوی دووشەممە، لە ڕووداوێکی تەقەکردندا لە ناوچەی فیرمونت لە فێلادێلفیا کە گەورەترین شاری ویلایەتی پێنسیلڤانیایە، بەهۆی ڕووداوێکی تەقەکردن دوو کەس کوژران و نۆ کەسی دیکەش برینداربوون.

 

ڕاگەیێنراوی فەرمی: پۆلیسی ناوچەکە ڕایگەیاند: ڕووداوەکە لە کاتی کۆبوونەوەی ژمارەیەکی زۆر لە خەڵک ڕوویداوە، تائێستا لێکۆڵینەوە لە شوێنی ڕووداوەکە بەردەوامە و هیچ زانیارییەک لەبارەی تەقەکەرەکە بڵاونەکراوەتەوە.

 

ئەوەی پێویستە بیزانیت:  ئەمە دووەم ڕووداوی تەقەکردنە لە ماوەی پێنج ڕۆژدا لە ئەمریکا. پێنجشەممەی ڕابردووش لە واشنتن، بەهۆی ڕووداوێکی تەقەکردنەوە دوو کارمەندی باڵیۆزخانەی ئیسرائیل کوژران.