سوودانی جارێکی دیکە داوای ڕاگرتنی هەڵمەتەکانی لابردنی زێدەڕۆیی لە بەسرە دەکات

ئاڤا نیوز

سەرۆکوەزیرانی عێراق، جارێکی دیکە داوای ڕاگرتنی هەڵمەتەکانی لابردنی خانووی زێدەڕۆیی لە بەسرە دەکات، تاوەکو چارەسەرێکی گونجاوی بۆ دەدۆزرێتەوە، ئەندامێکی پەرلەمانی عێراقیش هۆشداری لەبەردەوامی هەڵمەتەکە دەدات.

چیرۆکی سەرەکی: دوای ئەوەی هەڵمەتەکەی حکومەتی بەسرە بۆ لابردنی زێدەڕۆیی لەسەر زەوی زێدەڕۆیی، لە ئاستی سیاسیی و تۆڕە کۆمەڵایەتییەکان کاردانەوەی لێکەوتەوە و سەرۆکوەزیرانی عێراق، پارێزگاری بەسرەی ڕاسپارد تاوەکو دۆزینەوەی چارەسەرێکی گونجاو هەڵمەتەکە ڕابگرێت، بەڵام پارێزگاری بەسرە ئەو داواکارییەی ڕەتکردەوە.

لێدوانی فەرمی: محەممەد شیاع سوودانی، سەرۆکوەزیرانی عێراق، لەچاوپێکەتنێکی تەلەفزیۆنیدا، جارێکی دیکە داوای ڕاگرتنی هەڵمەتەکانی لابردنی زێدەڕۆیی لە بەسرە دەکات تاوەکو چارەسەرێکی گونجاوی بۆ دەدۆزرێتەوە.

لەلایەکی دیکەوە: ئەحمەد تەها ڕوبەیعی، پەرلەمانتاری بەسرە ڕایگەیاند: ئەوەی ڕوودەدات لەڕووخانی خانووی هاووڵاتیانی بسرە بەبێ دۆزینەوەی ڕێگەچارەیەکی گونجاو ڕەنگدانەوەی هیچ جۆرە مرۆڤایەتییەک نییە.

- ڕوبەیعی هۆشداری لەوەشدا، بەردەوامی هەڵمەتەکە بۆمبێکی تەوقیتکراوە و هەڕەشە لە ئاشتی کۆمەڵایەتیی دەکات.