کێشەی کارەبای 24 کاتژمێری چوار گەڕەکی هەولێر چارەسەر دەکرێت

ئاڤا نیوز 

 

بەشێکی ئەو گەڕەکانەی هەولێر کە کارەبایان بووەتە 24 کاتژمێری، کاتێک کێشەی تەکنیکی بۆ دروست دەبێت، پێویستە مۆلیدەی گەڕەک هەڵبکرێت، بەڵام بەشێکی خاوەنی مۆلیدەکان پابەندی بڕیارەکەی حکومەت سەبارەت بەم بابەتەوە نەبوون.

 

چیرۆکی سەرەکی: سێ بۆ چوار گەڕەکی هەولێر حاکماوە و دەورووبەری لەخۆدەگرێت، کارەبایان 24 کاتژمێرییە و لەچەند ڕۆژی ڕابردوو کێشەی تەکنیکی بۆ دروست بووە، بەڵام خاوەنی مۆلیدەکە هەڵینەکردووە و گوتویەتی گرێبەست لەگەڵ پڕۆژەی ڕووناکی ناکەم و چەند کاتژمێرێک هاووڵاتیان بێ کارەبا بوونە.

 

لێدوانی فەرمی: تیمی پڕۆژەی ڕووناکی بە ئاڤای گوت، "کێشەی هەڵکردنی مۆلیدەی ئەو گەڕەکانە چارەسەرکراوە، لێرە بەدوا لە ئەگەری هەر کێشەیەکی تەکنیکی، ڕاستەوخۆ کێشەکە چارەسەر دەکرێت."

 

لەلایەکی دیکەوە: بەختیار قاسم، بەڕێوبەری گشتیی کارەبای هەولێر بە ئاڤای ڕاگەیاند، "بە وردی چاودێری ئەو گەڕەکانە دەکرێت، کە کارەبایان بووەتە 24 کاتژمێری، ناکرێت هیچ گەڕەکێک بێ کارەبا بێت."

 

ئەوەی پێویستە بیزانیت: تاوەکو یەک دوو مانگی دیکە کارەبای تەواوی سەنتەری شاری هەولێر، هەروەها تاوەکو کۆتایی ئەمساڵیش سەنتەری شارەکانی سلێمانی و دهۆک بە تەواوی کارەبای 24 کاتژمێرییان پێدەگات.