پارتێکی تورکمان پێشوازی لە بڕیارەکەی پارتی دەکات

ئاڤا نیوز

پارتی چاکسازیی تورکمان وەک یەکەم حیزب هەڵوێستی لەبارەی بڕیاری پارتی بۆ بایکۆتکردنی هەڵبژاردنی پەرلەمانی کوردستان ڕاگەیاند و سوپاسی سەرۆک بارزانی دەکات.

وێنە گەورەکە: ئەمڕۆ دووشەممە پارتی دیموکراتی کوردستان بەفەرمی هەڵبژاردنی خولی شەشەمی پەرلەمانی کوردستانی بایکۆت کرد و هەڕەشەی کشانەوەشی لە پرۆسەی سیاسیی عێراق کرد.

ڕاگەیێنراوی فەرمی: پارتی چاکسازیی تورکمان کە یەکێکە لەو لایەنانەی هەڵبژاردنی بایکۆت کردووە، جەخت دەکاتەوە "ئیرادەی گەلی کوردستان بە هەموو پێکهاتە جیاوازەکانییەوە زۆر لەوە بەهێزترە بە نادەستووری و نایاسایی بیانەوێ سیستەمێکی سەپێندراومان بەسەردا بسەپێنن".

پارتی چاکسازیی تورکمان بە ناوی پێکهاتەی تورکمانەوە سوپاسی هەڵوێستی سەرۆک بارزانی و پارتی دەکات و  دەڵێت: "سەرۆک بارزانی هەموو کاتێک لە سەنگەری بەرگری بووە بۆ پتەوکردنی پێکەوەژیانی ئاشتیانە و پاراستن و چەسپاندنی مافەکانی سەرجەم پێکهاتە جیاوازەکان".

باکگراوند: پێش بڕیارەکەی پارتی، زۆربەی حیزب و لایەنەکانی پێکهاتەکان بەهۆی بڕیارەکانی دادگای فیدراڵی هەڵبژاردنیان بایکۆت کردبوو.