کۆریای باشوور سەرۆکێکی نوێ هەڵدەبژێرێت

ئاڤا نیوز

 

ڕۆژی دەنگدان بۆ هەڵبژاردنی سەرۆکی نوێی کۆریای باشوور دیاری کرا و بڕیاروایە هەفتەی داهاتوو پرۆسەکە بەڕێوەبچێت.

 

وێنە گەورەکە: هەشت مانگی ڕابردوو قوورسترین دۆخی سیاسی بوو بۆ کۆریای باشوور، دوای ڕاگەیاندنی حوکمی سەربازی لەلایەن  یۆن سووک یول، سەرۆکی پێشووی کۆریا، بڕیاری دەستگیرکردنی بۆ دەرکرا و دواتر لەلایەن دادگای فیدراڵی ئەو وڵاتەوە دادگایی کرا و لە پۆستەکەی دوورخرایەوە. هان دۆک سۆ، سەرۆکوەزیرانی کۆریای باشوور بە شێوەیەکی کاتی دەسەڵاتەکانی سەرۆککۆماری پێبەخشرا.

 

بڵاوکراوە فەرمیەکان: نوسینگەی سەرۆکایەتیی کۆریای باشوور لە بڵاوکراوەیەکی فەرمیدا ڕۆژی 3 – 6 – 2025، بە ڕۆژی بەڕێوەچوونی هەڵبژاردنی سەرۆکی نوێی کۆریای باشوور ڕاگەیاند. لەو ڕۆژەدا خەڵکی کۆریای باشوور 21ەمین سەرۆکی وڵات هەڵدەبژێرن.

 

زانیاریی زیاتر: بۆ هەڵبژاردنی سەرۆکی نوێی کۆریای باشوور، سێ کاندیدی سەرەکی کێبڕکێ دەکەن بۆ بەدەستهێنانی دەنگی زۆرینە و کورسی سەرۆکایەتی، بە پێی ڕاپرسیەکانیش هاووڵاتیانی کۆریا دوای چەندین مانگ لە پشێویی سیاسی دەیانەوێت بە دەنگدان کۆتایی بە دۆخی ناجێگیری وڵات بهێنن و قۆناغێکی نوێی سیاسی دەست پێبکەن.