فایلی خەڵک؛ کارگەکانی هاڕینی بەرد چەند گەڕەکێکی دەربەندیخان بێزاڕ دەکەن

ئاڤا نیوز

لە دەربەندیخان کارگەکانی هاڕینی بەرد خەڵکیان بێزار کردووە. ژینگە پیس دەکەن و ژاوەژاو دەنێنەوە.

وێنە گەورەکە: دانیشتوانی چەند گەڕەکێکی دەربەندیخان پەیوەندییان بە ئاڤاوە کرد و دەڵێن، با ئەو کارگانە لەوێ نەمێنن و بگوازرێنەوە، "چونکە بێزاڕیان کردووین".

لێدوانی فەرمی: سلێمان محەممەد، قایمقامی دەربەندیخان دەڵێت: بەهۆی فراوانبوونی شار کارگەکان زۆر نزیکبوونەتەوە لە شوێنی نیشتەجێبوون، بەڵام لەبەرئەوەی زۆربەیان گرێبەستی یاساییان هەیە، بۆیە ناتوانین ڕاستەوخۆ دایان بخەین.

- داوامان لە لایەنە پەیوەندیدارەکان کردووە کە لە ڕێگەی چەند پێشنیازێکەوە کێشەکە چارەسەربکەن.

- دەبێت قەرەبوو بکرێنەوە یان  شوێنێکی تایبەتیان لەدووری لەشار بۆ دابین بکرێت، ئێستا سەرقاڵی ئەوەین.