پەیمان عەڵایی لەڕێگەی ئاڤاوە نهێنی عاشقبوونی ئاشكرا دەكات

ئاڤا نیوز

 

هونەرمەندی دەنگخۆشی ڕۆژهەڵاتی كوردستان، پەیمان عەڵایی لەڕێگەی ئاڤاوە نهێنی عیشقی ژیانی ئاشكرا دەكات و دەڵێت: "ماوەی ساڵێكە كەسێكی خۆشدەوێت، ئەو كەسەش بەر لەوەی ڕووخساری ئەو هونەرمەندە ببینێت، عاشقی دەنگی بووە."

 

چیرۆكی سەرەكی: گۆرانیبێژ پەیمان عەڵایی، كە ئێستا لە شاری سەقز لە ڕۆژهەڵاتی كوردستان دەژی، لەماوەیەكی كورتدا، ڤیدیۆكانی لە تۆڕە كۆمەڵایەتییەكان دەنگدانەوەی زۆری بەدوای خۆیدا هێنا و بەهۆی دەنگە ناوازەكەی، سەدان هەزار كەس بینەری كورتە گۆرانییەكانیەتی.

 

لێدوانی فەرمی: گۆرانیبێژ پەیمان عەڵایی، میوانی بەرنامەی كولتوری ئاڤا میدیا بوو، وەڵامی چەند پرسیارێكی دایەوە و باسی لەوە كرد، زیاتر گۆرانیی گۆرانیبێژە دێرینەكان دەڵێتەوە و تا ئێستا بەرهەمی تایبەت بە خۆی نییە.

 

زانیاریی زیاتر: عەڵایی لەڕێگەی ئاڤاوە نهێنیی ژیانی خۆی ئاشكرا دەكات و دەڵێت، ماوەی ساڵێكە هەستی خۆشەویستی بۆ كچێك دروستبووە و زۆربەی گۆرانییەكانی ساڵی ڕابردووی بۆ ئەو چركاندووە.

باسی لەوەشكرد، ئەو خۆشەویستیە سەرەتا بەوە دروستبوو كە تەنها گوێبیستی دەنگی هونەرمەند پەیمان عەڵایی بووە، بەر لەوەی ڕووخساری بینیبێت.